Ein 55 ára gomul kvinna er staðfest deyð á sjúkrahúsi, eftir at hon varð stungin við knívi í grønlendska býnum, Tasiilaq.
Grønlands Politi sigur í tíðindaskrivi, sum eitt nú Ritzau endurgevur, at tey fingu eina fráboðan um hendingina seint á kvøldi.
Nakrar minuttir eftir fráboðanina, varð ein 25 ára gomul kvinna, sum er undir illgruna fyri illgerðina, handtikin, sigur løgreglan.
55 ára gamla varð flutt á sjúkrahús, men tað eydnaðist ikki læknunum at bjarga lívi hennara.
Hin 25 ára gamla, sum løgreglan hevur handtikið, kemur fyri í grundlógaravhoyri í Sermersooq Kredsret einaferð í dag.
Hvussu sjálv skuldsetingin ljóðar, er ikki greitt, og Grønlands Politi vil ikki siga meira um málið, nú neyvari kanningar skulu gerast.
