Í dag eftirlýsir Grønlands Politi ein 64 ára gamlan mann, sum ikki er komin aftur til lands í Manitsoq, haðani hann loysti í jollu síni hósmorgunin, tá hann fór til útróðrar.
Løgreglan sigur, at talan er um eina hvíta jollu við Suzuki-viðfestimotori. Maðurin fór einsamallur avstað, og nú eru tey avvarðandi órórógvað, tí maðurin er ikki komin aftur.
Grønlands Politi hevur sett leiting í verk, sum Arktisk Kommando samskipar, og her er eitt nú sjóverjuskipið Ejnar Mikkelsen við, eins og fleiri lokalir bátar eisini eru við í leitingini.
Ein tyrla hjá Air Greenland av merkinum EC225 luttekur eisini í leitingini, men tyrlan hevur verið tarnað av mjørka í økinum.
- Aasiaat Radio hevur heitt á skip og bátar í økinum um at hava eyguni við jolluni, og sama áheitan er eisini farin frá Grønlands Politi til íbúgvarnar í Manitsoq, veit Sermitsiaq at siga.
