Gunnar og Kaj Leo í stórformi

Bæði FH og Valur hava í kvøld vunnið í íslendsku landskappingini. Gunnar Nielsen og FH vunnu 1-0 á Víkingur Reykjavík, meðan Valur vann 4-2 á útivølli móti ÍA. Kaj Leo í Bartalsstovu kom inn og skoraði.

Tað gongur væl hjá Gunnari Nielsen og FH í løtuni. Liðið hevur vunnið seinastu dystirnar og við sigrinum í kvøld er liðið komið upp á annað plássið. Føroyski landsliðsmálverjin bjargaði fleiri ferðir, tá Víkingur Reykjavík var á vitjan. Hjörtur Logi Valgarðsson bleiv hetjan við einsamalla málinum tveir minuttir fyri hálvleik.

Oddaliðið í íslendskum fótbólti er Valur, sum hevur Heimir Guðjónsson sum venjara, og Kaj Leo í Bartalsstovu og Magnus Egilsson í hópinum. Í kvøld kom Kaj Leo í Bartalsstovu inn seinasta korterið og hann setti punktumvið máli til 4-2. Valur var á odda 3-0 aftaná ein hálvan tíma, men ÍA skoraði tvær ferðir seinasta korterið, áðrenn Kaj Leo setti punktum.