Ein toppdystur var í SMS-deildini í høllini á Hálsi í Havn í kvøld.
Neistin tók ímóti H71, og fyri aðru ferð hetta kappingarárið sigraðu hoyvíkskvinnur á neistakvinnum.
Dysturin endaði 38-33 til H71. Í steðginum var H71 á odda 20-15. Minsti munur sum var í seinna hálvleiki var við støðuna 29-25 til H71.
Maria P. Nólsoy skoraði meir enn helvtina av málunum hjá Neistanum. Hon skoraði heili 17 mál í kvøld.
Hjá H71 var tað serliga Anna Maria H. Weyhe, ið gjørdi um seg. Hon skoraði 10 mál í kvøld.
H71 er nú greitt oddalið og stýrir beint móti FM-hálvfinalunum. Kapprenningin um annað plássið er hørð millum Kyndil, Neistan og Stjørnuna.
Leygardagin klokkan 15 tekur H71 móti Kyndli í Hoyvíkshøllini. FM1 sigur beinleiðis frá dystinum.
##med2##
HER er dómaraseðilin frá HSF:
##med3##
