Haaland eitt mál afturat

Í gjár og fríggjakvøldið vóru dystir í 7. umfari í Premier League. Erling B. Haaland og Manchester City vunnu lættan 3-0 á Wolverhampton, og Tottenham skal eisini takast í álvara hetta kappingarárið.

Fríggjakvøldið uppflytara uppgerð á City Ground í Notthingham. Heimaliðið hevur keypt yvir tjúgu spælarar, men tað er ikki nokk til at vinna á hinum uppflytarunum. Í farnu viku tapti Nottingham Forest móti AFC Bournemouth, og fríggjakvøldið hendi tað sama móti Fulham, sum í løtuni liggur á sætta plássi.

Steven Gerrard, venjari hjá Aston Villa, hevur verið nakað kroystur hetta kappingarárið. Innanhýsis stríð um eitt nú liðskiparabandið og misjøvn úrslit hava sett sín dám á, men fríggjakvøldið bragdaði við einum 1-0 sigri á Southampton.

Í gjár vann Manchester City 3-0 á útivølli móti Wolverhampton. Longu aftaná ein minutt skoraði útskeldaði Jack Grealish til 1-0. Eitt korter seinni økti Erling B. Halland. Hansara 11. mál í sjey dystum. Tað er óhoyrt. Heimaliðið fekk eitt reytt kort løtu seinni og Phil Foden kundi seta punktum.

Nýríka Newcastle fekk bara javnleik á heimavølli móti AFC Bournemouth, meðan Tottenham vann heili 6-2 á kreppurakta Leicester, ið væntast at senda venjaran, Brenda Rodgers, heima skjótt. Væl lýddi Son Heung-min byrjaði á bonkinum eftir eina málleysa byrjan upp á kappingarárið. Hann svaraði aftur við at skora hattrik, eftir at hann kom inn í seinna hálvleiki.

Tríggir dystir eru útsettir vegna jarðarferðina hjá drotning Elizabeth. Tí eru bara tveir dystir í dag.

Premier League 7. umfar:

Fríggjadagin:

Aston Villa – Southampton 1-0

Nottingham Forest – Fulham 2-3

Leygardagin:

Wolverhampton – Manchester City 0-3

Brighton – Crystal Palace (Útsettur)

Newcastle – AFC Bournemouth 1-1

Tottenham – Leicester 6-2

Sunnudagin:

Brentford – Arsenal

Manchester United – Leeds United (Útsettur)

Everton – West Ham

Chelsea – Liverpool (Útsettur)