Leygardagin klokkan 17:00 spælir føroyska A-landsliðið seinasta heimadystin í undankappingini til HM 2018. Mótstøðuliðið hesaferð er Lettland, sum Føroyar fyri einum ári síðani vunnu 2-0 ímóti.
Síggja samrøðuna við at trýsta á pílin á myndini
Fyrireikingarnar hjá landsliðnum hava gingið væl, og sum heild eru allir spælararnir væl fyri til uppgávuna ímóti lettum. Seinnapartin mikudagin vandi landsliðið á vøllinum við Djúpumýru í Klaksvík, og aftaná venjingina fekk FSF Varpið orðið á Hallur Hansson, sum skrivaði nógvar autografar.
- Tað er ikki oftani eg eri í Klaksvík, so hetta er super, at vit fara her norð at venja. Eg havi eisini verið í somu støðu sum hesi børnini, tá eg droymdi um at koma á landsliðið, so hetta er ordiliga “feitt”, sigur stríðsmaðurin á føroyska miðvøllinum.
Rás2 sigur landsdystinum, sum verður leygardagin klokkan 17.
