Tað vísa sjónvarpsupptøkur úr býnum Deir el-Balah, har handanin fór fram. Her vórðu teir tríggir gíslarnir heintaðir í akførum hjá Reyða Krossi.
Ísraelski herurin hevur á sosiala pallinum X váttað, at teir tríggir gíslarnir eru leyslatnir.
Áðrenn avhendingina vóru teir tríggir menninir vístir fram á einum palli framman fyri fleiri hundrað fólkum.
Talan er um 34 ára gamla Or Levy, 52 ára gamla Eli Sharabi og 56 ára gamla Ohad Ben Ami. Seinni hevur týsk-ísraelskan ríkisborgararætt.
Við teimum hevur Hamas latið 16 ísraelar og fimm tailendingar leysar. Leyslatingin í dag var tann fimta av sínum slag síðani 19. januar.
/Ritzau/
