Føroyska handilsvinnan og føroyska byggivinnan síggja framvegis sera døpur útlit fyri framman.
Tað sæst í búskaparmetingini hjá Landsbanka Føroya, ið kom út herfyri.
Meðan allar vinnur í Føroyum sóu døpur útlit fyri frammaní januar mánaði í ár, tykist vend verða komin í í juni mánaði, serliga hjá tilfeingisvinnuni, øðrum ídnaði og tænastuvinnuni, sum tykjast halda, at tað ringasta er av.
Hinvegin sær byggivinnan lítið minni dapurt upp á framtíðina, enn hon gjørdi í januar, meðan handilsvinnan sær munandi verri útlit frammanfyri sær nú.
Handilsvinnan metir í juni mánaði framvegis, at sølan fer at minka, og at arbeiðstørvurin verður minni, enn hann er nú.
