– Eg havi verið glaður fyri tíðina á Posta, hóast úrslitið fyri 2023 var avbjóðandi. Tað hevur verið ein hendingarík tíð, sum hevur kravt nógvar broytingar fyri at venda gongdini. Vit hava skapt eitt gott grundarlag fyri víðari rakstri, sigur Hans Jákup Langgaard í tíðindaskrivi frá Posta.
Nevndarformaðurin í Posta, Joen Magnus Rasmussen upplýsir, at tey nú fara undir tilgongdina at finna nýggjan stjóra til Posta.
– Eg vil gjarna takka Hans Jákup fyri góða samstarvið og ynskja honum alt tað besta frameftir, sigur Joen Magnus Rasmussen, nevndarformaður á Posta.
Hans Jákup Langgaard hevur verið stjóri síðan 1. desember 2023 og verður tøkur restina av árinum.
