PHILADELPHIA: Tey bæði amerikonsku forsetavalevnini, demokraturin Kamala Harris og republikanski Donald Trump, vóru í nátt í hørðum orðadráttin um tilflyting, fosturtøkurættindi, inflatión og uttanríkispolitikk í fyrsta kjaki teirra í valstríðnum.
Kjakið skuldi eftir ætlan byrja klokkan 02:00 í nátt okkara tíð.
Meðan myndatólini rullaðu, marsjeraði Kamala Harris beint yvir at taka í hondina á republikanska fyrrverandi forsetanum.
- Kamala Harris, segði hon og heilsaði honum.
Kjakið var fyrstu ferð, at tey bæði valevnini hittust.
Amerikanarar skulu tann 5. november atkvøða um, hvør verður næsti forseti í landinum. Vinnarin verður tikin í eið 20. januar næsta ár.
Flestu eygleiðarar siga, at Kamala Harris kláraði seg betur enn Donald Trump.
/Ritzau/
