Hava ringt at finna felags stev

Vit kunnu bara hyggja í bak­­spegilin fyri at kanna, hvussu nógv teir hava sam­starv­­að síðani vit fingu heim­­a­­­stýri í 1948.

Av teimum 24 árunum, Tjóð­veldi hevur sitið í sam­gongu, hev­ur flokk­ur­in sam­starv­að við Javn­að­ar­flokk­in í 11 ár, meðan hann hev­ur sam­starv­að við Fólk­a­flokk­in í 18 ár.

Av teimum 37 árunum, Javn­að­ar­flokk­ur­in hev­ur sit­­ið í sam­gongu, hev­ur hann sam­starv­að Sam­bands­flokk­in í 23 ár.

Út frá tí sæst, at tað ikki eru júst er sam­starv til gagns fyri fak­fel­ags­rørsl­uni, sum bind­ir Tjóð­veldi og Javn­að­ar­flokk­in saman. Nógv størri týdn­i­ng hev­ur tað hjá Tjóð­veld­i­num at vinna full­veldi saman við Fólk­a­flokki­num, og hjá Javn­­að­ar­flokk­i­num at halda rík­is­fel­ags­skap­in við líka sam­an við Sam­bands­flokk­i­num.

So er spurningurin, um vit hava brúk fyri pol­it­isk­um flokkum?
At Tjóðveldi er farið at tosa um blokk­pol­i­tikk kann merkja, at flokk­urin ætlar at flyta seg. Spurn­ing­ur­in er so, um tað er í­móti Javn­að­ar­flokk­i­num ella Fólka­flokk­i­num. Hann er sam­sint­ur við báð­ar, men bara um hvør sítt.

Janaðarflokkurin hev­ur eis­ini tos­að um blok­k­pol­i­tikk, men tað er heldur ikki greitt, um flokk­ur­in legg­ur dent á rík­is­rætt­ar­ligu støð­una saman við Sam­b­and­i­num, ella um viðurskifti verk­a­manna saman við Tjóð­veld­inum.

Í øllum førum hava vit nakrar ­skitsofrenar flokkar, sum hava ilt við at fóta sær.