HB rennur avstað

HB er á toppinum, og nú er tað longri frá toppinum og aftur til næsta avbjóðaran.

Í dýrdarveðrinum á Argjum í kvøld vann HB 1-0 ímóti AB.

Málið varð skorað miðskeiðis í seinna hálvleiki, og einasti málskjúttin var Adrian Justinussen, sum nú er toppskjútti við tíggju málum. Uppleggið átti Símun Samuelsen, sum aftur í kvøld var millum teir eyðsýndastu av øllum.

Í AB leguni er stór misnøgd við, at dómarin góðkendi HB málið. Argjamenn hildu, at Adrian Justinussen var rangstaddur.

Úrslitið ber við sær, at HB fyri sjeyndu ferð er á veg av vøllinum, uttan at mótstøðuliðið hevur megnað at skora ímóti Teiti Matras Gestsson.

HB er nú fimm stig frammanfyri KÍ, sum fyrr í dag vann 3-0 á útivølli ímóti Víkingi.

Um eina viku eigur HB heimavøll ímóti 07 Vestur, sum fyrr í dag vann 4-1 á heimavølli ímóti Skála. Hetta var fyrsti sigurin hjá 07 Vestur í ár.

Um eina viku eigur B36 útivøll ímóti KÍ á norðoyastevnu.

B36 er á triðja plássi eftir 3-2 tap á heimavølli ímóti NSÍ.

Víkingur – KÍ 0-3 (0-2)

0-1: Hørður Askham

0-2: Páll A. Klettskarð

0-3: Páll A. Klettskarð

EB/Streymur – Suðringar 2-2 (0-1)

0-1: Salmundur Bech

0-2: Búi Egilsson

1-2: Gestur B. Dam

2-2: Pætur J. Petersen

07 Vestur – Skála 4-1 (1-1)

1-0: Sølvi Egilsson

1-1: Ari Olsen

2-1: Høgni Egilstoft Nielsen br

3-1: Ndende Adama Guéye

4-1: Kyrylo Silich

B36 – NSÍ 2-3 (2-1)

0-1: Petur Knudsen

1-1: sjálvmál

2-1: Lukasz Cieslewicz br

2-2: Petur Knudsen

2-3: Árni Frederiksberg

AB – HB 0-1 (0-0)

0-1: Adrian Justinussen

Støðan eftir tólv umfør

Mikukvøldið vera fyrru hálvfinalurnar í kappingini um løgmanssteypið. Tá hittast HB og AB aftur:

HB – AB

B36 - Suðringar

13. umfar

Sunnudagin 3. juni

KÍ - B36

NSÍ - AB

Skála - EB/Streymur

B36 - NSÍ

Suðringar - Víkingur