Løgmaður hevur nú tilnevnt Heðin Zachariasen til nýggjan landsstýrismann við innlendismálum Tilnevning fór fram á Løgmansskrivstovuni klokkan 17 í dag, og løgmaður segði í sínari røðu, at hann roknaði við at fáa gott samstarv við Heðin Zachariasen, sum hann heldur er ein nærlagdur og konstruktivur politikari.
Heðin Zacharisen segði, at hann ætlar at gera sítt til, at góða samstarvið í samgonguni kann halda fram seinasta partin av valskeiðnum.
Heðin Zacharisen fer í farloyvi frá sínum starvi sum borgarstjóri, og í løgtinginum kemur varamaður hansara á ting - tað er vestmenningurin Ingi Olsen.
