info
Ongi úrslit

Hetta var heilt forferdiligt

Eg havi ikki sovið væl í nátt av springaradrápinum í gjár, men síðsta orðið er ikki sagt enn, sigur formaðurin í Grindamannafelagnum

Áki Bertholdsen
13. september 2021 kl. 11:21

Hatta var heilt forferdiligt, tí alt, sum kundi ganga galið, tað gekk eisini galið. Tað sigur Ólavur Sjúrðarberg, formaður í Grindamannafelagnum.

Sjálvur visti hann einki um drápið fyrr enn í gjárkvøldið, tá ið grindamenn og onnur fóru at ringja til hansara, og í morgun er hann eisini ringdur niður av skelkaðum og vónbrotnum grindamonnum. Og tað eru ikki so fáir, sum hava ligið í andvekri í nátt av tí, sum fór fram á Skálafjørðinum í gjár – og tað hevur Ólavur Sjúrðarberg eisini.

Tað er nógv, sum Ólavur Sjúrðarberg ikki skilur av tí, sum fór fram í gjár. Springararnir vórðu sæddir í Kalsoyarfirði, men so verða teir riknir fram við fleiri hvalvágum heilt suður á Skálafjørðin. Ólavur Sjúrðarberg heldur, at tað er ræðuligt, og hann heldur eisini, at tað hevði komið undir hugtakið djórapínsla at reka hval longri enn neyðugt.

Men yvirhøvur sigur hann, at har var talan um so nógvar springarnar, at tað er so skjótt at missa tamarhaldið á støðuni. Her er talið so stórt, at tað er eisini skjótt at missa tamaraldið á býtinum.

– Vit skulu ikki fara undir at reka eina grind, sum er so stór, at tað ikki ber til at fáa lívið av henni upp á ein forsvarligan máta og at býta hana, sigur Ólavur Sjúrðarberg. Tað ringasta, sum kann henda, er, at alt ikki verður tikið upp, sigur hann. Tí heldur hann avgjørt, at myndugleikarnir áttu at umhugsa at latið hesar springararnar farið.

– Eftir myndunum at døma var nokk av bátum á fjørðinum, men tað var ov lítið av fólki á landi, og tað er ein stórur trupulleiki.

Sum vit skrivaðu fyrr í morgun fingu grindaformenn á Skálafjørðinum ikki boð. Les meiri um tað her: Grindaformaður er skelkaður av drápinum í gjár.

Tað heldur formaðurin í Grindamannafelagnum vera langt úti. Hann sigur, at hendan grindin varð rikin so langt, at grindamenn á fleiri grindaplássum átti at fingið boðini.

Ólavur Sjúrðarberg ivast kortini ikki í, at seinasta orðið er ikki sagt í hesum máli, tí hann er sannførdur um, at hetta eigur at verða eftirmett. Um ikki onkur annar tekur stig til tað, fer Grindamannafelagið at gera tað, sigur hann, tí ein hending sum hendan kann ikki fara aftur við borðinum uttan nakað, sigur hann.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

Í gjár kl. 10:11

Eldur í á skipasmiðjuni á Skála

20 tímar síðan

Ókent ræðsluevni: Byrjaði at eta seg sjálvan

23 tímar síðan

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Fleiri tíðindi

Lesarabrøv

Viðhald frá kommunala eftirlitinum

19 minuttir síðan
Tíðindi

Samstarvsskjal við Bretland verður undirritað í komandi viku

20 minuttir síðan
Tíðindi

Ein stuttsøga um Flemish Kap

32 minuttir síðan
Lesarabrøv

Skattapolitikkur kostar Føroyum meira, enn hann gevur

37 minuttir síðan
Tíðindi

Nólsoyarbók er komin út á HandRit.fo

44 minuttir síðan
Tíðindi

Fólkatingið hevur samtykt Grønlands-avtaluna

50 minuttir síðan
Tíðindi

Býráðið í Havn við­ger fíggj­ar­ætl­an­ina fyri 2027 í dag

1 tími síðan
Tíðindi

Putin: Ukraina og Evropa ikki eru til reiðar at gera semju

1 tími síðan
Tíðindi

Útflutningur av fiski til Kina veksur við hálvari milliard

1 tími síðan
Tíðindi

Talið av laksaalarum í Noregi verður hálverað innan fimm ár

2 tímar síðan
Tíðindi

Van Gogh-málningur seldur fyri 1,3 milliardir krónur

3 tímar síðan
Tíðindi

Stuðulstímar til børn hava kostað meira enn játtað í sjey ár

4 tímar síðan