Dortmund spældi týsdagin fyrsta dystin í HM fyri felagslið í innleiðandi bólki F.
53.000 setur vóru tóm, og bert 29.000 áskoðarar á MetLife Stadium í East Rutherford í New Jersey sóu Dortmund leika javnt 0-0 móti brasilska liðnum, Fluminense. Mamelodi Sundowns og Ulsan HD eru hini bæði liðini í bólki F.
Í bólkinum hjá Chelsea, bólki D vann brasilska liðið, Flamengo 2-0 á tunesiska liðnum, Esperance Tunis á Lincoln Financial Field leikvøllinum í Philadelphia. Chelsea og Flamengo hava trý stig hvør. Esperance og Los Angeles FC hava einki stig.
Argentinska stórliðið, River Plate legði fyri í bólki E við einum 3-1 sigri á japanska liðnum, Urawa Reds. Hini bæði liðini í bólki E eru Inter Milan og meksikanska liðið, Monterrey. Lumen Field leikvøllurin í Seattle í statinum Washington tekur 72.000 áskoðarar. Bert 11.974 áskoðarar vóru til dystin.
Fluminense-Borussia Dortmund 0-0
Flamengo-Esperance Tunis 2-0 (1-0)
1-0 Giorgian De Arrascaeta ('17 )
2-0 Luiz Araujo ('70 )
River Plate-Urawa Red Diamonds 3-1 (1-0)
1-0 Facundo Colidio ('12 )
2-0 Sebastian Driussi ('48 )
2-1 Yusuke Matsuo, br. ('58 )
3-1 Maximiliano Meza ('74 )
