Danska hondbóltslandsliðið spælir um heiðursmerki við HM í Egyptalandi komandi vikuskiftið
Tað gjørdist greitt í einum sera dramatiskum dysti í fjórðingsfialu móti vertstjóðini Egyptalandi eftir brotskastskapping, sum Lasse Svan avgjørdi upp á fimtu donsku royndina. Tað stóð 35-35 eftir tvær ferðir longda leiktíð.
Danir áttu at havt tryggjað sær sigurin í fyrra umdystinum – men tá teir vóru á odda, tá fá sekund vóru eftir, fekk Mikkel Hansen reytt kort fyri at draga tíðina út.
Margháttligt var tað tó, at vertirnir gjørdu ein líka stóran feil, tá teir vóru á veg ímóti sigrinum í øðrum umdystinum, so Magnus Landin kundi javna og senda liðið út í brotskastskapping.
Har vísti stóribeiggin Niklas Landin sínar dygdir við at bjarga tveimum egyptiskum royndum, og tá Danmark skoraði upp á fýra út av fimm royndum, var dramaið avgjørt.
/ritzau/
##med2##
##med3##
##med4##
##med5##
##med6##
##med7##
##med8##
##med9##
##med10##
