Hetta var mitt í koronutíðini, og akkurát tá vóru útlitini í ferðavinnuni og hotelvinnuni serliga avbjóðandi.
Roknskaparárini 2020 og 2021 góvu eitt lítið hall, men í so máta royndist betur hjá nýggju hoteleigarunum í fjør, tí tá lógu 944.000 krónur á botnlinjuni.
Bruttovinningurin vaks úr 3,8 milliónum krónum í 2021 upp í 5,6 milliónir í 2022.
Starvsfólkakostnaðurin vaks úr 1,9 milliónum í 2021 til 3,2 milliónir í fjør.
Eginognin hjá felagnum er 2,6 milliónir krónur. Felagið hevur onga langfreistaða skuld, og stuttfreistaða skuldin er 3,9 milliónir krónur.
Stjórar á Hotel Djurhuus eru Rúni Djurhuus og Jenny Alexandersdóttir í Heiðunum.
Nevndarformaður er Jógvan Emil Nielsen.
Nevndarlimir eru Áki Olsen, Hjalti Hvítklett og Rúni Djurhuus.