Annika Mittún Jacobsen er nú blivin ein meira almennur persónur, enn hon nakrantíð hevur verið. Men hvør er hon, og hvat hevur hon tikist við? Kringvarpsstjórin vitjar á Rás 2 Annika Mittún Jacobsen verður gestur í Morgunsendingini á Rás 2 eftir klokkan 11. Tá verður tosað við hana um leiðslu, um kvinnur sum leiðarar, um hennara ár úti í heim og nýggju avbjóðingina í føroyska miðlaheiminum.
Í Morgunsendingini fáa fólk eisini góð ráð um at klænka seg. Mentanarleiðarin í íslendska býnum Kópavogi greiðir frá, hví fólkatalið í býnum er tvífaldað síðani 1990.
Sangari í bólkinum The Ghost hyggur eisini inn á gólvið á Rás 2, ítróttarskrivari svarar spurningum um Champions League, og reportari hjá Rás 2 hevur vitjað føroyska familju, sum fyri fýra árum síðani flutti av landinum, tí dóttirin ikki fekk nøktandi viðgerðartilboð í Føroyum
