Tað er líkt til, at evropeiska ævintýrið hjá Ingibjørg Olsen og liðfeløgunum í ÍBV fer at enda á hesum sinni.
Fyrr í dag leikti ÍBV fyrru Europa Cup fjórðingsfinaluna móti krútsterka spanska liðnum, Costa del Sol Malaga.
Malaga vann greiðan 34-23 sigur. Í steðginum var Malaga á odda 19-12.
Báðir dystirnir vera leiktir niðri í Malaga, og í morgin klokkan 17 verður seinna fjórðingsfinalan leikt.
Ingibjørg Olsen var ikki millum málskjúttarnar hjá ÍBV í dag.
