Føroyingaliðini í bestu kvinnudeildini í hondbólti spældu hetta vikuskiftið teir fyrstu dystirnar hetta kappingarárið.
Ingibjørg Olsen skoraði eitt mál, tá hon og liðfelagarnir á heimavølli vunnu ein tepran 28-27 sigur á KA/Þór.
ÍBV var á odda 14-13 í steðginum. Í seinna hálvleiki hevði ÍBV eina leiðslu uppá sjey mál, men útiliðið vann seg innaftur í dystin. Tað helt kortini til ein sigur hjá ÍBV.
Natasja Hammer skoraði eitt mál fyri Haukar, ið vóru fyri stórtapi 22-37 fyri Vali á útivølli.
Í steðginum var Valur á odda 20-11.
Komandi leygardag spælir ÍBV móti Stjørnuni á heimavølli. Dagin eftir spæla Haukar á útivølli móti KA/Þór.
