Sermitsiaq, sum er grønlendskt blað og heimasíða, visti herfyri at siga, at 17.000 hvítabjarnir eru í Arktis, men tað er undantakið, at hvítabjarnir leypa á fólk.
- Men, í summar hevur verið eitt lívshóttandi álop - og herfyri eisini eitt álop, sum fekk deyðiligar avleiðingar fyri ein mann, sum var til arbeiðis, tá bjarnirnar lupu á
Í greinini í Sermitsiaq verður sagt, at tað er sjáldan, at hvítabjarnir síggjast á leiðini við grønlendska høvuðsstaðin, Nuuk.
- Men, í ár hava óvanliga nógvar hvítabjarnir verið at sæð kring um landið, verður lagt aftrat.
Heimasíðan skrivar um eina óhugnaliga hending, sum fór fram á einum arbeiðsplássi á Brevoort Island við Nunavut í Kanada herfyri.
Tað var ein maður, ið arbeiddi sum teknikari í oyðilandi, sum varð álopin av tveimum hvítabjarnum, meðan hann var til arbeiðis.
Álopið er higartil ikki lýst í smálutum, men arbeiðsgevarin hjá manninum, sum læt lív, sigur, at myndugleikarnir eru í holt við at kanna umstøðurnar kring álopið.
##med2##
