Nú meira enn 98 prosent av atkvøðunum eru taldar, skilja marginalarnir Ja og Nei-síðurnar á fólkaatkvøðuni í Moldova um at skriva ES-ætlanir hjá landinum í grundlógina.
Sambært tíðindastovuni AFP vísa fyribilsúrslitini, at 50,03 prosent atkvøddu ja og 49,97 prosent atkvøddu nei.
Sambært journalistinum hjá Financial Times í landinum vóru tað umleið klokkan 7.15 danska tíð, at einans 79 atkvøður skiltu báðar partarnar.
Seint sunnukvøldið sá tað út til at vera ein sigur til Nei-síðuna. Tá 70 prosent av atkvøðunum vóru taldar upp, høvdu 55 prosent atkvøtt ímóti at gera limaskapin í ES til eina strategiska raðfesting fyri landið.
Tað var tó ein undrunarverd gongd, tí mátingar undan fólkaatkvøðuni vístu eitt ja við heili 63 prosentum, sum vístu ES-stuðul, skrivar BBC.
Moldova er eitt av níggju londum, sum hevur status sum ES-valevnisland.
Landið liggur í eystara parti av Evropa millum Rumenia og Ukraina, og umleið 2,4 milliónir fólk búgva í landinum. Í 2014 varð mett, at 674.500 fólk búðu í høvuðsstaðnum, Chisinau.
/Ritzau/
