Jákup Thomsen, sum er úttikin til føroyska U21 landsliðið, skoraði um vikuskiftið hattrik, tá U19 liðið hjá FC Midtjylland vann 4-1 á FC Nordsjælland í oddadysti í deildini.
Trýst á pílin á myndini fyri at síggja málini hjá Jákupi Thomsen
Øll trý málini koma eftir skjótálop, har Jákup Thomsen í einum føri rekur einsamallur og skorar, meðan hini bæði málini eru ordans áleypara mál, har hann sendur bóltin í málið eftir innlegg.
Føroyski áleyparin hevur fyrr víst góðar eginleikar frammanfyri málinum, tá hann millum annað skoraði móti Atletico Madrid í Youth Champions League.
Føroyska U21 landsliðið skal spæla móti Týsklandi og Eysturríki ávikavist 24. og 29 mars. Báðir dystirnir eru á útivølli.
