Í kvøld spældi liðið hjá Óla Mittún og Ísaki Vedelsbøl, Sävehof fjórðingsfinalu og grannauppgerð móti Önnered í svensku steypakappingini.
Talan gjørdist ikki um besta útgangsstøðið til seinnu fjórðingsfinaluna á útivølli. Dysturin endaði við javnleiki 27-27.
Sävehof var á odda 21-14 í steðginum, men í seinna hálvleiki steðgaði fullkomuliga upp við málskjótingini hjá Sävehof, og so mátti teir taka til takkar við javnleiki 27-27.
Óli skoraði tvey mál í dystinum.
Mikukvøldið 13. november spælir Sävehof dyst á útivølli í bestu svensku deildini móti Karlskrona.
Í næstbestu svensku deildini leiktu Aleksandar Lacok og liðfelagarnir í Lugi javnleik 29-29 (14-15) móti Drott á heimavølli.
Lugi er nummar átta í deildini við átta stigum.
