Tað styttist til OL-endaspælið í París í Fraklandi.
Í døgunum millum 25. juli og 11. august verður olympiska endaspælið í hondbólti leikt í franska høvuðsstaðnum.
Seks lið eru í tveimum innleiðandi bólkum, og tað er bert loyvt at hava 14 leikarar við til OL-endaspælið.
Danska manslandsliðið kom í bólk saman við vertunum, Fraklandi sum vann EM-finaluna móti Danmark í januar. Noreg og Ungarn eru eisini í bólkinum, umframt Egyptaland, so talan er um ein krútsterkan bólk.
Danmark spælir tveir týdningarmiklar venjingardystir í fyrireikingunum til OL-endaspælið í maj. Talan um er tveir dystir í Golden League. Tann fyrri verður móti Noregi 11. maj, og tann seinni verður móti Kroatia 12. maj.
Men tað verður uttan havnarmannin, Jóhan á Plógv Hansen, ið ikki er millum teir kosnu hjá Nikolaj Jacobsen hesaferð. Hans Lindberg, ið hevur ættarbond til Trongisvágs er heldur ikki millum teir kosnu hjá Nikolaj Jacobsen á hesum sinni.
Gamla stjørnan, Mikkel Hansen er heldur ikki við hesaferð, men har sigur Nikolaj Jacobsen við danskar miðlar, at hann hevur valt at spara hann hesaferð, orsaka av skaðum Mikkel Hansen hevur drigist við.
HER er danski hópurin:
Málverjar:
Niklas Landin, Aalborg Håndbold
Emil Nielsen, FC Barcelona
Vengur:
Magnus Landin, THW Kiel
Emil Jakobsen, Flensburg-Handewitt
Niclas Kirkeløkke, Rhein-Neckar Löwen
Oskar Vind, GOG
Strikuleikarar:
Magnus Saugstrup, SC Magdeburg
Simon Hald, Aalborg Håndbold
Emil Bergholt, Skjern Håndbold
Lukas Jørgensen, Flensburg-Handewitt
Bakkar:
Simon Pytlick, Flensburg-Handewitt
Thomas Arnoldsen, Aalborg Håndbold
Rasmus Lauge, Bjerringbro-Silkeborg
Lasse Andersson, Füchse Berlin
Mads Mensah, Flensburg-Handewitt
Jacob Holm, Paris Saint-Germain
Mathias Gidsel, Füchse Berlin
Mads Hoxer, Aalborg Håndbold