Tvey føroyingalið í næstbestu donsku hondbóltsdeildini vóru í leiki í dag.
Tað eydnaðist Jónasi G. Djurhuus, Leivi Mortensen og liðfeløgunum í FIF at vinna fyrsta dystin hetta kappingarárið.
FIF tók á heimavølli móti Rækker Møller og vann greiðan 34-25 sigur. Í fyrra hálvleiki leikaði tað meira javnt á. Í steðginum var FIF á odda 15-13.
Tað gekk framúr hjá Jónasi og Leivi, ið báðir skutu seks mál hvør. Toppskjútti hjá FIF gjørdist Mads Vejby við sjey málum.
FIF er nummar 11 í deildini við trimum stigum fyri fýra dystir.
Teis Horn Rasmussen og Peter Krogh vunnu saman við liðfeløgunum í HC Aarhus 32-28 á Køge á útivølli. Í steðginum var HC Aarhus á odda 16-13.
Teis skoraði fýra mál.
Aarhus er nummar fýra í deildini við fimm stigum fyri fýra dystir.
