Fyrsti føroyingurin við coronavirus, Kaj J. Skipanes, hevur verið í sóttarhaldi síðan 4. mars. Nú er hann frískur, og í dag sleppur hann sum tann fyrsti úr aftur sóttarhaldi.
Hann hevur havt tað gott alla tíðina og hósdagin segði hann við FM1, at hann hevði tað gott.
– Eg føli meg frískan, so eg gleði meg at sleppa til arbeiðis aftur, segði hann í stuttari samrøðu í tíðindunum á FM1 hósdagin.
Hann hevur gjørt sítt fyri at fáa tíðina at ganga, og hann hevur havt samband við heilsumyndugleikarnar, segði hann hann. Hann hevur eisini verið saman við konu síni og børnum sínum, men hesi hava ikki merkt nakað til nakað sjúkueyðkenni.
Kaj J. Skipanes var í februar farin til París saman við konuni og báðum døtrum sínum. Tey vóru til eina møtiráðstevnu, og tá Kaj kom heim aftur byrjaði hann at føla seg sjúkan. Tað vísti seg so, at hann var smittaður við coronavirus.
Hann hevur síðan tá sitið í sóttarhaldi ífjúrtan dagar, sum nú eru farnir, og nú kann gerandisdagurin hjá honum byrja aftur.
Heilsumálaráðið sigur í morgun, at bæði hann, og hini trý í familjuni eru nú loyst úr sóttarhaldinum.
Men í tí sambandi vóru 18 onnur fólk, sum hann hevði verið í sambandi við, eisini sett í sóttarhald. Summi hava verið heima við hús, men onnur hava verið á Hotel Vágum. Eingin av teumum hevur havt sjúkueyðkenni.
