Roy Keane, sum nú er manager hjá enska Sunderland, hevur keypt Kieran Richardson frá Manchester United fyri 60 milliónir krónur. Ivamál hevur verið um framtíðina hjá Richardson, eftir at United í summar hevur keypt Anderson, Nani og Owen Hargreaves, sum allir spæla á miðvøllinum. – Hetta er spennandi fyri meg. Eg kenni alt til Roy Keane, og eg gleði meg til at spæla á hansara liði, sigur Richardson við ensku miðlarnar, nú skiftið er veruleiki.
