Við einum teprum 1-0 sigri á verandi føroyameistarunum úr Klaksvík, sær nú út til, at Víkingur stríkur avstað í oddanum í Betrideildini hjá kvinnum, skrivar Fótbóltssambandið.
Bara ein dystur í Betrideildini hjá kvinnum hevur verið á skránni um vikuskiftið. Í Sarpugerði í Norðragøtu var veruligt oddabrak millum nummar 1 og 2, Víking og KÍ, sum undan dystinum høvdu ávikavist 26 og 25 stig.
Og við einum teprum 1-0 sigri til ljósabláa heimaliðið, staðfesti Víkingur sína støðu sum oddalið í fremstu deildini hjá kvinnum. Einasta málið í dystinum skoraði Jens Tórolvsdóttir, tá hon í 54. minutti setti bóltin í netið. Hinir tríggir dystirnar í Betrideildini hjá kvinnum hetta umfarið verða spældir seinni í vikuni, og síðst í mánaðinum.
Samandráttur frá dystinum sæst við at trýsta HER.
Týskvøldið klokkan 18:00 fær NSÍ vitjan B36, og leygardagin klokkan 12:00 tekur Skála ímóti FC Hoyvík undir Mýruhjalla. Fjórði dysturin verður á ólavsøku, sunnudagin 28. juli, tá HB fær vitjan av TB/FCS/Royn.
# | Lið | D | V | J | T | MF | MÍ | MM | Stig | |
---|---|---|---|---|---|---|---|---|---|---|
1 | Víkingur | 11 | 9 | 2 | 0 | 66 | 2 | 64 | 29 | |
2 | KÍ | 11 | 8 | 1 | 2 | 56 | 5 | 51 | 25 | |
3 | NSÍ | 10 | 7 | 2 | 1 | 64 | 8 | 56 | 23 | |
4 | HB | 10 | 5 | 1 | 4 | 38 | 12 | 26 | 16 | |
5 | B36 | 10 | 4 | 1 | 5 | 27 | 22 | 5 | 13 | |
6 | TB/FCS/Royn | 10 | 2 | 1 | 7 | 8 | 60 | -52 | 7 | |
7 | FC Hoyvík | 10 | 1 | 1 | 8 | 3 | 81 | -78 | 4 | |
8 | Skála ÍF | 10 | 0 | 1 | 9 | 4 | 76 | -72 | 1 |