Tað verður klassikari og toppdystur í Gundadali fríggjakvøldið klokkan 18.
KÍ, sum framvegis er topplið, verður gestur hjá HB, sum er á triðja plássi. KÍ hevur 52 stig fyri 19 dystir, og HB hevur 47 stig fyri 20 dystir. Á øðrum plássi er B36 við 49 stigum fyri 21 dystir.
-Tað kom væl við hjá øllum at vera heima og halda frí í nakrar dagar, nú tá ið tað vóru landsdystir. Nú hava vit havt fýra góðar venjingar, og vit eru spentir at fara í Gundadal at hitta HB. Vit rokna við, at talan verður um javnan dyst, og vit vóna, at nógvir fjepparar fara at møta upp og taka á við okkum, sigur KÍ venjarin Magne Hoseth.
Magne Hoseth vísir á, at næstu vikurnar verður nógv á skránni:
-Nú eru bæði landskapping og Conference League á skrá, og fram til næsta landsliðssteðg fara vit at spæla átta dystir í 24 dagar, so talan er um stóra avbjóðing, sigur KÍ venjarin í samrøðu við facebooksíðuna hjá KÍ.
Skráin hjá KÍ restina av árinum
15.09 HB – KÍ
18-09 KÍ – B68
21.09 Slovan Bratislava - KÍ
24.09 TB – KÍ
27.09 EB/Streymur – KÍ
01.10 KÍ – ÍF
05.10 KÍ – Lille
08.10 AB – KÍ
22.10 B36 – KÍ
18.10 KÍ – Víkingur
26.10 KÍ – Olimpija Ljubljana
09.11 Olimpija Ljubljana – KÍ
30. 11 KÍ – Slovan Bratislava
14.12 Lille – KÍ
