KÍF skrivar á facebookvanga sínum:
- Nýggjur venjari settur!
Tað er við gleði, at vit kunngera, at KÍF hevur gjørt sáttmála við íslendska Viktor Lekve, sum skal verða høvuðsvenjari í felagnum. Hann kemur at hava ábyrgdina av besta mansliðnum og øllum ungdómsliðunum.
Viktor er bert 35 ára gamal, men hevur 16 ára royndir sum venjari, serliga innan ungdómslið. Hann var hjálparvenjari hjá Fjölnir í bestu íslendsku deildini frá 2022-2024 og flutti síðani til Akureyri, har hann hevur havt ábyrgd av U18 og næstbesta liðnum hjá felagnum KA.
Vit eru øll sera spent uppá, hvat framtíðin hevur at bjóða, og leikararnir gleða seg at koma í gongd saman við nýggja venjaranum.
Vælkomin Viktor! Skrivar KÍF.
