Kinna Poulsen ummælir sýningina á listaportal.com, og sigur millum annað:
Vit hava áður upplivað risastórar framsýningar hjá hesum listamanninum og vita, at tá hann fer í gongd, er tað ikki við mýkindum og tað er hvørki hóvsemi ella afturhald, ið kemur einum til hugs, tá mann skal lýsa Bárð Jákupsson. Hann er stórtøkin við stórum armrørslum. Á framsýningini eru ikki færri enn 98 myndir at síggja á øllum fýra hæddum í Müllers Pakkhúsi – tað er ein sonn listalig tour de force hjá einum listamanni, ið fevnir tað ógvusliga, ekspressiva og tað inniliga og vakra - eisini tíðum tað skreyt- og vignettkenda.
Og Kinna Poulsen heldur fram:
Framsýningin krevur av áskoðaranum, at mann gevur sær tíð at hyggja, men afturfyri gevur hon tær, sum hyggur, upplivingar av orku og ljósi og tað er tiltrongt í hesum myrku tíðum.
Alt ummælið og fleiri myndir eru at síggja her: Maksima-LIST — Listaportal
