Í bestu norsku hondbóltsdeildini hava Kjartan Johansen og liðfelagarnir í Fyllingen Bergen fingið 11 av 12 møguligum stigum, men á útivølli hevur haltað illa.
Í dag eydnaðist tað endiliga Fyllingen Bergen at vinna ein dyst á útivølli, tá Fyllingen vann ein sera sannførandi 38-28 sigur á Sandnes á útivølli. Longu í steðginum var Fyllingen Bergen á odda 18-10, og tað eydnaðist at halda uppá ta leiðsluna og byggja eitt sindur uppá hana í seinna hálvleiki.
Kjartan Johansen hevur verið góður fyri nøkur og fleiri mál í dystunum hjá Fyllingen Bergen, men í dag gjørdist bara talan um tað eina málið hjá Kjartani.
Fyllingen Bergen, sum er nummar seks í bestu norsku hondbóltsdeildini við 14 stigum fyri 13 dystir tekur ímóti Elverum á heimavølli komandi mikukvøld. Talan er um seinasta dystin áðrenn vetrarsteðgin. Elverum er nummar fýra við 17 stigum fyri 10 dystir, so talan verður um sterka mótstøðu.
Støðan:
| 1. | 13 | 9 | 1 | 3 | 429:359 | 19 | ||
| 2. | 13 | 9 | 1 | 3 | 405:348 | 19 | ||
| 3. | 13 | 9 | 0 | 4 | 389:347 | 18 | ||
| 4. | 10 | 8 | 1 | 1 | 339:277 | 17 | ||
| 5. | 13 | 6 | 3 | 4 | 359:370 | 15 | ||
| 6. | 13 | 6 | 2 | 5 | 387:387 | 14 | ||
| 7. | 12 | 5 | 2 | 5 | 350:337 | 12 | ||
| 8. | 12 | 5 | 0 | 7 | 295:326 | 10 | ||
| 9. | 13 | 4 | 1 | 8 | 369:378 | 9 | ||
| 10. | 12 | 4 | 1 | 7 | 322:345 | 9 | ||
| 11. | 13 | 4 | 0 | 9 | 332:394 | 8 | ||
| 12. | 13 | 0 | 0 | 13 | 314:422 | 0 |
