Klæmint A. Olsen hevur roynst Breiðablik væl seinastu vikurnar, og í dag átti hann uppleggið til bæði málini, ið Breiðablik skoraði í 2-2 javnleikinum móti FH á útivølli í bestu íslendsku fótbóltsdeildini.
FH var á odda 2-0 tá bert 17 minuttir vóru leiktir, men teir megnaðu ikki at halda tørn og fingu bert eitt stig við sær úr Hafnafirði.
FH 2 - 2 Breiðablik
0-1 Stefán Ingi Sigurðarson ('14)
0-2 Viktor Karl Einarsson ('17)
1-2 Davíð Snær Jóhannsson ('34)
2-2 Davíð Snær Jóhannsson ('54)
Breiðablik er næstfremst í deildini við 24 stigum, fýra stig aftanfyri oddaliðið, Víking Reykjavík.
Pætur J. Petersen slapp á vøllin fyri KA tá 10 minuttir vóru eftir av vanligu leiktíðini í heimadystinum, ið KA vann 2-1 (1-0) á Fylkir.
KA 2 - 1 Fylkir
1-0 Sveinn Margeir Hauksson ('30)
2-0 Harley Willard ('62)
2-1 Benedikt Daríus Garðarsson ('85)
KA er nummar fimm í deildini við 17 stigum.
Klæmint fer nú at ferðast heim til Føroya fyri at fyrireika seg saman við landsliðnum til EM-undankappingardystirnar á Tórsvølli móti Kekkia og Albania, 17. juni og 20. juni.