Knút Háberg Eysturstein er úr Leirvík, men býr í dag í Havn.
Í kvøld upptraðkar hann undir egnum navni á Sandinum, og hetta gleðir hann seg nógv til fortelur hann:
- Eg gav út plátu í november 2023, Hjartasláttur, og tað var ein øgiliga persónlig útgáva.
- Útgávan var leingi ávegis, so tað var fantastiskt at fáa hana út, og eisini varð hon vælmóttikin.
- G og Grót er ein stórur partur av mær, og hetta verður átjandi ferð eg spæli á G. Sum oftast hevur tað verið keys, viðhvørt havi eg diskað, og í kvøld verður tað fimti ferð, undir egnum navni.
- Eg vænti tað fer at rigga sera væl at spæla her. Eg havi eitt toymi av øgiliga dugnaligum tónleikarum, og vit verða sjey fólk á pallinum - tað verður stórt!
Hvussu ofta hevur tú verið á G festival?
- Eg havi verið hvørt ár síðan 2002.
Er annað tú gleðir teg serliga til at uppliva í ár?
- Ja, Omar Souleyman vænti eg verður feitt.
Umframt at spæla konsert í kvøld, fer Knút at vera moderator til eitt tiltak í Fjósinum leygardagin klokkan 16, Føroyska innrásin í Íslandi. Eisini fer hann at diska í Fjósinum leygarkvøldið klokkan 02.
##med2##
##med3##
