Tróndur Mikkelsen og liðfelagarnir í Kristiansand høvdu í kvøld sera torføra uppgávu á heimavølli í bestu norsku hondbóltsdeildini.
Í Aquarama-høllini í Kristiansand tók heimaliðið móti oddaliðnum, Elverum.
Tað eydnaðist Kristiansand at geva oddaliðnum ein skarpan gang, men heimaliðið mátti at enda lúta 25-27. Elverum var á odda 15-12 í steðginum.
Tróndur skoraði eitt mál og legði upp til eitt mál hjá Kristiansand.
Kristiansand hevur fýra stig aftaná fýra teir fyrstu dystirnar higartil í kappingini.
Sunnudagin klokkan 17 spælir Kristiansand dyst á útivølli í norsku steypakappingini móti Nærbø.
