Ákærin vil, at annar av monnunum, sum er ákærdur fyri at hava lopið á ein annan við øks, skal í fongsul í minst fimm ár.
Hinvegin heldur hon at hin maðurin skal dømast til viðgerðar á einum sjúkrahúsi fyri sálarsjúk.
Báðir menninir vóru ákærdir fyri drápsroynd, men tað vórðu teir fríkendir fyri fyrr í kvøld. Hinvegin eru teir sekir í serstakliga grovum og vandamiklum harðskapi.
Les eisini: Fríkendur fyri drápsroynd
Nú teir eru dømdir sekir, er eftir at áseta revsingina. Og í hesum sambandi hevur ákærin biðið um, at annar maðurin verður dømdur at sita í minst fimm ár.
Men samstundis heldur ákærin, at hin eigur at verða dømdur til viðgerð á sjúkrahúsi fyri sálarsjúk.
