Sambært dagføringum hjá bretsku fregnartænastuni er veturin avbjóðandi fyri bæði russisku og ukrainsku hermenninar í Ukraina.
Víst verður á, at bæði nøgdin av kava og avmarkaða dagsljósið gera krígsførsluna trupla fyri báðar partar.
Neyðugt er tískil at gera seg út til bæði kavan og myrkrið.
Týsdagin í vikuni upplýsti ukrainski streymveitarin, Ukrenergo, at fleiri staðni í landinum eru niður í 15 kuldastig.
Reuters veit at siga, at fleiri økir í Ukraina eru rakt av streymloysi, tí streymnetið er ovbyrjað.
Seinasta vetur framdi Russland fleiri málrættað álop á ukrainska streymnetið, og avleiðingin var, at miljónir av ukrainum sótu í vetrarkulda.
