8-mannafarið hjá kvívíkingum hevur fyri triðju ferð í ár vunnið, og harvið er Kvívíkingur stórfavorittur at vinna FM heitið.
Á málinum var eingin ivi. Kvívíkingur var klárt fremstur - eina bátslongd frammanfyri kappingarneytarnar.
Men leingi var tað rættuliga spennandi. Fríggjarin var bragdligur í startinum, og hann var leingi á odda.
Tá ið teir næstu fóru um málið, var tað rættuliga tætt. Frá Fríggjaranum, sum var nummar tvey, og aftur til Árnfirðing, sum var nummar fýra, var bara ein stórur skutur.
1 Kvívíkingur 06:53.00
2 Fríggjarin 06:56.07
3 Argjabáturin 06:56.18
4 Árnfirðingur 06:57.16
5 Ørvur 07:10.24
6 Knørrur 07:14.15
1 Kvívíkingur 21
2 Argjabáturin 17
3 Fríggjarin 15
4 Árnfirðingur 13
5 Ørvur 8
6 Knørrur 7
