Sonni Larsen fer ikki at halda fram sum landsliðsvenjari hjá føroyska kvinnulandsliðnum.
Sonni Larsen fer at taka við starvinum sum høvuðsvenjari hjá Viking TIF í Bergen í Noregi, og tí steðgar samstarvið við HSF.
Finnur Hansson og Mark Marcher fara at taka sær av venjingunum hjá kvinnulandsliðnum inntil nýggjur landsliðsvenjari er funnin. Í apríl skal kvinnulandsliðið spæla venjingardystir móti Finnlandi.
Heimasíðan hjá HSF skrivar, at samstarv verður við Sonna Larsen sum skeiðshaldari í samband við venjaraútbúgvingar í Føroyum. Har fer Sonni Larsen at undirvísa í úrvalsvenjaraútbúgvingini, so Sonni Larsen verður tíðum at síggja her á landi.
