Franski landsliðsvenjarin, Didier Deschamps hevur tilnevnt nýggjan liðskipara eftir tað gjørdist greitt, at Hugo Lloris er givin á franska landsliðnum.
Didier Deschamps hevur tilnevnt stjørnuáleyparan hjá Paris Saint Germain, 24 ára gamla Kylian Mbappe at vera liðskipari hjá Fraklandi.
Komandi fríggjakvøld spælir Frakland EM-undankappingardyst í undanbólki B á Stadé de France leikvøllinum í París. Mótstøðuliðið er Niðurlond.
Tríggjar dagar seinni spælir Frakland undankappingardyst móti Írlandi í Dublin.
Hini liðini í EM-undanbólki B eru Grikkaland og Gibraltar. Frakland og Niðurlond eru tískil greiðir favorittar til at vinna seg víðari til EM-endaspælið í Týsklandi á sumri í 2024.
