Fíggjarlógin
Tað ber ikki til at siga nakað, fyrrenn vit eru liðug.
Jóannes Eidesgaard, løgmaður, vil ikki siga eitt orð um skattalætta og oljuavgjald í sambandi við fíggjarlógina fyri næsta ár.
Tá ið samgongan tók við, lovaði hon skattalætta ígjøgnum alt valskeiðið. Og nú oljan er farin upp í topp, eru tað politikarar, sum eru farnir at tosa um at lækka, ella heilt at strika oljuavgjaldið.
Eisini politikarar í samgonguni hava sagt seg sinnaðar at endurskoða oljuavgjaldið og tað eru enntá teir, sum halda, at tað er rættast at trika skattalættan komandi ár fyri aty fíggja eina lækking í oljuavgjaldinum.
Jóannes Eidesgaard, løgmaður, hevur onga viðmerking til hetta í løtuni.
Vit arbeiða við fíggjarlógini og allir spurningar verða endavendir. Men onki er liðugt, fyrrenn alt er liðugt og tí kann eg onki siga um nakað, sigur løgmaður.
