Strikuleikarin á landsliðnum, Pernille Brandenborg gjørdi skjótt av aftaná húsagangin hjá Randers fyri stuttum. Stutt aftaná húsagangin kundi danska høvuðsstaðarfelagið, København Håndbold kunngera, at Pernille Brandenborg er nú partur av hópinum hjá København í bestu donsku hondbóltsdeildini.
Í kvøld spældi København móti Silkeborg-Voel á heimavølli. Silkeborg-Voel vann sannførandi 36-30.
Tað var serliga í fyrra hálvleiki tað lá illa fyri hjá heimaliðnum. Í steðginum var Silkeborg-Voel á odda 22-15.
Pernille Brandenborg skoraði eitt mál í kvøld.
Mikukvøldið 7. desember spælir København á útivølli móti Herning-Ikast.
Støðan:
Nr. | Lið: | Dystir | Stig |
1 | Ikast | 8 | 16 |
2 | Team Esbjerg | 9 | 14 |
3 | Odense | 8 | 14 |
4 | København | 9 | 12 |
5 | Nykøbing Falster | 8 | 10 |
6 | Silkeborg-Voel | 10 | 9 |
7 | Aarhus United | 9 | 8 |
8 | Viborg HK | 9 | 8 |
9 | Ringkøbing | 9 | 6 |
10 | Horsens | 8 | 5 |
11 | Ajax | 8 | 5 |
12 | Skanderborg | 9 | 3 |
13 | SønderjyskE | 9 | 2 |