Landsliðsmálverjin, Aleksandar "Sasja" Lacok og liðfelagarnir í Lugi leiktu í dag dyst á útivølli móti næstfremsta liðnum í næstbestu svensku hondbóltsdeildini, Varberg.
Áðrenn hevði Lugi selt dystin fyri ein javnleik, men tað kennist eitt sindur beiskt hjá Sasja og liðfeløgunum aftaná javnleik 31-31 móti Varberg í dag.
Lugi var við m.ø. framúrskarandi avriki hjá Sasja í málinum á odda 17-11 í steðginum, og Varberg javnaði til endaliga úrslitið 31-31 við 20 sekundum eftir á klokkuni.
Lugi er nummar níggju í deildini við 17 stigum fyri 21 dystir. Lugi er fimm stig omanfyri Lagan á næstaftasta plássinum. Liðini sum enda niðast og næstniðast flyta beinleiðis niður í triðbestu deildina.
Komandi mikukvøld spælir Lugi dyst á útivølli móti Drott.
