Eftir ósigurin fyri Finnlandi í gjár, skal Føroyska landsliðið royna seg móti Litava.
Litava tapti í gjár við einum máli móti Sveis, og skal hava eitt úrslit um nakar møguleiki skal vera fyri at spæla seg víðari.
Dystirnir í gjár bóru eisini brá av at Litava er á einum hægri støðið enn til dømis Finnland, ið Føroyar ikki megnaðu at basa.
Litava spældi við stórari leikferð og sýndi stóra kropsliga styrki í dystinum móti Sveis, so tað verður ein harður dystur fyri Føroyar í dag.
Altjóða veddingarfyritøkurnar lýsa hetta eisini, tí tær hava Litava sum greiðan favoritt.
Í miðal geva tær 8,45 ferðir pengarnar aftur um tað skuldi verið til føroyskan sigur, meðan ein litaviskur sigur bert gevur 1,10 ferðir pengarnar aftur.
Ágúst Jóhansson, landsliðsvenjari, sigur í stuttari viðmerking til In.fo, at tað verður ein sera trupul dystur, men hann vónar at Føroyar kann taka Litava á bóli í dag.
Føroyar spæla móti Litava klokkan 15.30 føroyska tíð. FM1 sigur beinleiðis frá dystinum.
