Í løtuni eru fimm partrolarapør til fiskiskap. Skipini koma inn at landa, sum næsta vika gongur.
- Fiskiskapurin er ikki góður, og veðrið er vánaligt, vita tey á Fiskamarknaði Føroya at siga.
Ein djúpvatnstrolari er til fiskiskap. Teir eru eystanfyri. Allir teir smáu trolbátarnir liggja.
- Eitt garnaskip er norðan fyri og fiskar svartkalva. Eitt er sunnan fyri og fiskar havtasku.
Á Fiskamarknaði Føroya vita tey at siga, at garnaskipini hava brúkiligan fiskiskap.
- Garnaskipini koma inn at landa antin fyrst í næstu viku ella miðskeiðis í vikuni, verður lagt aftrat.
