Í kvøld verður livandi tónleikur í Café Natúr við Biritu Adelu og Dánjal Gomez. Haraftrat verður spurnakapping á skránni.
Vælumtókta Pubquizzin í Café Natúr er aftur á skránni í kvøld, og haraftrat verður livandi tónleikur við Biritu Adelu og Dánjal Gomez. Dánjal er nógv at síggja í føroyska náttarlívinum, og hevur hann eitt nú verið at sæð í samband við Føroyameistarakappingina í Karaoke, sum Glitnir skipar fyri á hvørjum ári.
Birita Adela hevði høvuðsleiklutin, tá ið Studentaskúlin í Hoydølum bjóðaði til sangleikin Jesus Christ Superstar í Norðurlandahúsinum í 2010. Sangleikurin gjørdist enn eitt stórt hitt frá Studentaskúlanum, sum fekk nógv rós frá hyggjarum og ummælarum.
Hesi bæði skulu undirhalda í kvøld og í annaðkvøld í Café Natúr.
Les meira um vikuskiftið í Café Natúr á Facebooksíðuni her: www.facebook.com
