Átta dystir vóru í Champions League-bólkaspælinum í kvøld. Serliga tvey úrslit komu heldur óvart á.
Í Istanbul í Turkalandi hevði Liverpool møguleika at bøta um støðuna í sínum bólki, har teir framvegis høvdu sín fyrsta sigur til góðar. Men triðja dystin eydnaðist eiheldur. Liverpool tapti dystin 2-1, eftir at Steven Gerrard fekk pyntandi málið í síðsta minutti.
Norska Rosenborg fekk eitt sera gott úrslit heima á Lerkendal Stadion í Tróndheimi, tá ið teir feldu stjørnunum úr Valencia. Úrslitið gjørdist 2-0 til norska felagið, sum harvið vann sær sítt fjórða stig, og nú liggur á øðrum plássi.
Á Stamford Bridge gjørdi Chelsea sína skyldu við at vinna 2-0 á Schalke 04, meðan Real Madrid vóru hepnir við at vinna 4-2 heima á Santiago Bernabeu ímóti Olympiakos, sum leikti í undirtali 80 minuttir av dystinum.
Úrslit og málskjúttar í kvøld:
AC Milan ? Shaktar Donetsk 4-1 (2-0)
1-0: Gilardino
2-0: Gilardino
2-1: Lucarelli
3-1: Seedorf
4-1: Seedorf
Benfica ? Celtic 1-0 (0-0)
1-0: Cardozo
Besiktas ? Liverpool 2-1 (1-0)
1-0: Hyypia (sjálvmál)
2-0: Bobo
2-1: Gerrard
Chelsea ? Shalke 04 2-0 (1-0)
1-0: Malouda
2-0: Drogba
Marseille ? FC Porto 1-1 (0-0)
1-0: Niang
1-1: Gonzalez (br.)
Real Madrid ? Olympiakos 4-2 (1-1)
1-0: Raul
1-1: Galletti
1-2: Cesar
2-2: Robinho
3-2: Robinho
4-2: Balboa
Rosenborg ? Valencia 2-0 (0-0)
1-0: Kone
2-0: Riseth
Werder Bremen ? Lazio 2-1 (1-0)
1-0: Sanogo
2-0: Almeida
2-1: Manfredini
Hvønn flokk fert tú at velja á fólkatingsvalinum 13. november?? KLIKK HER!!<a>
