Føroyska A-landsliðið við kvinnum tapti fyrra venjingardystin, sum í hesum døgum eru á skránni á Malta. Úrslitið gjørdist 2-0 til maltesisku vertirnar. Sunnudagin er mótstøðulandið Albania
Sum heild var talan um ein javnan dyst, tá føroyska A-landsliðið við kvinnum hósdagin royndu seg í venjingardysti á útivølli móti Malta. Dysturin varð spældur á Tony Bezzina Stadion á lítlu oynni í miðjarahavinum.
Eftir fyrsti trý korterini stóð á jøvnum 0-0, men tá avtornaði vunnu maltesisku vertirnir við tveimum málum. Úrslitið gjørdist 2-0 til heimaliðið. Annar dysturin á venjingarleguni á Malta verður sunnudagin 26. februar klokkan 13:00, og tá er mótstøðulandið Albania.
Venjingarlegan er fyrireiking til EM-undankappingina, sum byrjar fyrst í apríl mánað. Hvørjum londum okkara kvinnur skulu møta í undankappingini, verður avgreitt við lutakasti, sum verður týsdagin 5. mars.
Myndirnar niðanfyri hava vit fingið frá maltesiska fótbóltssambandinum.
##ms##
