Ákærumyndugleikin í Argentina er nú farin undir at kanna læknan hjá Diego Maradona, Leopoldo Luque, fyri at staðfesta, hvørt hann møguliga er sekur í óvijaðum manndrápi, eftir at Maradona doyði herfyri.
Tað skrivar BBC í kvøld.
Maradona varð undir skurði í mánaðinum fyri ein blóðpropp í heilanum og skuldi í næstum undir viðgerð fyri alkoholismu, men hann doyði av einum hjartatilburði í vikuni.
Døtrarnar hjá Maradona hava lagt trýst á myndugleikarnar at seta kanning í verk, og nú fer ákærumyndugleikin at kanna, um hvørt læknin er sekur í vanviðgerð ella vansketni.
Luque hevur boðað frá, at hann gjørdi tað, hann var mentur at vera um Maradona, og at hann samstarvar við myndugleikarnar, so leingi tørvur er á tí.
